തിരുവനന്തപുരം: പുതുവത്സരാഘോഷത്തിനിടെ ഉണ്ടായ സംഘര്‍ഷത്തില്‍ ബാലരാമപുരത്ത് ഒരാള്‍ വേട്ടേറ്റു മരിച്ചു. മറനല്ലൂര്‍ സ്വദേശി അരുണ്‍ജിത്ത് ആണ് മരിച്ചത്.

ബാലരാമപുരം ശാന്തിപുരം കോളനിയില്‍ ഇന്നു പുലര്‍ച്ചെ രണ്ടു മണിയോടെയാണ് സംഭവം. ആഘോഷങ്ങള്‍ക്കിടെ ഉണ്ടായ വാക്കേറ്റമാണ് സംഘര്‍ഷത്തില്‍ കലാശിച്ചത്. ഗുണ്ടാസംഘങ്ങള്‍ തമ്മിലായിരുന്നു സംഘര്‍ഷമെന്നാണ് സൂചന.

അരുണ്‍ജിത്ത് നിരവധി ക്രിമിനല്‍ കേസിലെ പ്രതിയാണ്. അരുണിന്റെ സുഹൃത്ത് വണ്ടനൂര്‍ സ്വദേശി അനീഷിനും വെട്ടേറ്റു. ഇയാളെ ഗുരുതരാവസ്ഥയില്‍ തിരുവനന്തപുരം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.