നീലേശ്വരം: ദേശീയപാത വികസനത്തിന്റെ ഭാഗമായി പടന്നക്കാട് മേല്‍പ്പാലം മുതല്‍ നീലേശ്വരം പള്ളിക്കര റെയില്‍വേ ഗേറ്റ് വരെയുള്ള റോഡ് നാലുവരിപ്പാതയാക്കുന്നത് സംബന്ധിച്ച് കഴിഞ്ഞദിവസം പുറത്തിറക്കിയ അറിയിപ്പിലുള്ള അവ്യക്തത നീക്കണമെന്നും ജനങ്ങളുടെ ആശങ്കയകറ്റണമെന്നും നീലേശ്വരം മുനിസിപ്പല്‍ മുസ്‌ലിം ലീഗ് കമ്മിറ്റി യോഗം ആവശ്യപ്പെട്ടു.
പുതുതായി ആരംഭിക്കുന്ന ശതാബ്ദി എക്‌സ്പ്രസ് മംഗളൂരു വരെ സര്‍വിസ് നടത്തുവാനുള്ള നടപടി സ്വീകരിക്കണമെന്നും യോഗം ആവശ്യപ്പെട്ടു. ലീഗ് ജില്ലാ പ്രവര്‍ത്തക സമിതി അംഗം റഫീഖ് കോട്ടപ്പുറം ഉദ്ഘാടനം ചെയ്തു. പ്രസിഡന്റ് സി.കെ.കെ മാണിയൂര്‍ അധ്യക്ഷനായി. ഇബ്രാഹിം പറമ്പത്ത്, കുഞ്ഞുമൊയ്തീന്‍ കുട്ടി ഹാജി, കുഞ്ഞാമു നീലേശ്വരം, റഹീം പുഴക്കര, പെരുമ്പ മുഹമ്മദ്, ഇസ്മായില്‍ തൈക്കടപ്പുറം, രാമരം സലാം ഹാജി, എന്‍. ഹൈദര്‍, ഇ.കെ അബ്ദുല്‍ മജീദ്, മൊയ്തു തൈക്കടപ്പുറം സംസാരിച്ചു. ഫെബ്രുവരിയില്‍ സംഘടിപ്പിക്കുന്ന നീലേശ്വരം നഗരസഭാ മുസ്‌ലിം ലീഗ് സമ്മേളനത്തിനുള്ള സ്വാഗതസംഘം രൂപീകരിച്ചു. ഭാരവാഹികള്‍: സി.കെ.കെ മാണിയൂര്‍ (ചെയര്‍മാന്‍), റഫീഖ് കോട്ടപ്പുറം (വര്‍ക്കിങ് ചെയര്‍മാന്‍), ഇബ്രാഹിം പറമ്പത്ത് (ജനറല്‍ കണ്‍വീനര്‍), കുഞ്ഞുമൊയ്തീന്‍ കുട്ടി ഹാജി (ട്രഷറര്‍).