മസ്‌കറ്റ്: ശക്തമായ കാറ്റിനെ തുടര്‍ന്ന് ഒമാനില്‍ വ്യോമഗതാഗതം തടസ്സപ്പെടുന്നു. പല വിമാനങ്ങളും വൈകുകയും, ചില സര്‍വീസുകള്‍ റദ്ദ് ചെയ്യുകയും ചെയ്തു. വിമാനങ്ങള്‍ വൈകുമെന്നും ചിലത് റദ്ദാക്കിയെന്നും ഒമാന്‍ എയര്‍ ട്വിറ്ററില്‍ അറിയിച്ചു.

കാലാവസ്ഥ മെച്ചപ്പെട്ടതിനു ശേഷം സര്‍വീസുകള്‍ പുനഃസ്ഥാപിക്കുമെന്ന് അറിയിച്ചിട്ടുണ്ട്. സലാലയിലെ മോശമായ കാലാവസ്ഥ മൂലം സലാം എയറും വിമാനങ്ങള്‍ റദ്ദാക്കി. OV001, OV002 എന്നീ വിമാനങ്ങളാണ് റദ്ദാക്കിയത്. ഇന്നലെ മുതല്‍ ഒമാനില്‍ ഇതേ കാലാവസ്ഥയാണ് തുടരുന്നത് . പലയിടങ്ങളിലും മഞ്ഞുവീഴ്ചയും ശക്തമായ കാറ്റും അനുഭവപ്പെട്ടു.