പെരുമ്പാവൂര്‍: വേങ്ങുര്‍പഞ്ചായത്ത് 13-ാം വാഡില്‍ സ്ഥിതിചെയ്യുന്ന കോടംമ്പിള്ളിചിറ പുനരുദ്ധരണ പ്രവര്‍ത്തനങ്ങള്‍ തുടങ്ങി. ഹരിത കേരള മിഷന്‍ പദ്ധതിയില്‍ ഉള്‍പ്പെടുത്തിയാണ് ചിറ നവീകരിക്കുന്നത്. സമീപ വാസികളുടെ കുടുവെള്ള ശ്രോതസുകൂടിയായിരുന്ന ചിറയുടെ നവീകരണ ജോലികള്‍ ജനപങ്കാളിത്തംകൊണ്ടുകൂടിയാണ് നടക്കുന്നത്. കൂടാതെ പുനരുദ്ധാരണത്തിനായി പഞ്ചായത്ത് 18 ലക്ഷം രൂപയും അനുവദിച്ചിട്ടുണ്ട്. ഉദ്ഘാടനം വേങ്ങൂര്‍ പഞ്ചായത്ത് പ്രസിഡന്റ് എം.എ ഷാജി നിര്‍വഹിച്ചു. വൈസ് പ്രസിഡന്റ് പ്രീതി, സ്റ്റാന്റിങ് കമ്മറ്റി ചെയര്‍മാന്‍ സാബു വര്‍ഗീസ്,  മെമ്പര്‍മാരായ ആന്റോ പോള്‍, പ്രയ ടോംസണ്‍, സുധീഷ്, ബാലന്‍ തുടങ്ങിയവര്‍ പങ്കെടുത്തു.