തിരുവനന്തപുരം: ഇടതു മുന്നണി അധികാരത്തില്‍ വരുമ്പോള്‍ ബാറുകള്‍ തുറന്നു കൊടുക്കാമെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍ ഉറപ്പ് നല്‍കിയിരുന്നെന്ന ബിജു രമേശിന്റെ വെളിപ്പെടുത്തലിന്മേലുള്ള കോടിയേരിയുടെ മൗനം കുറ്റസമ്മതമാണെന്ന് പ്രതിപക്ഷ നേതാവ് രമേശ് ചെന്നിത്തല.
ഇടതുമുന്നണിയും ബിജു രമേശും തമ്മിലുള്ള ഗൂഢാലോചന വഴി കെട്ടിപ്പൊക്കിയതാണ് ബാര്‍ കോഴക്കേസ് എന്ന് അന്നു തന്നെ യു.ഡി.എഫ് പറഞ്ഞിരുന്നു. അതിപ്പോള്‍ ബിജു രമേശ് തന്നെ തുറന്നുപറഞ്ഞിരിക്കുന്നു. ഒരു സി.പി.എം എം.എല്‍.എയുടെ വീട്ടില്‍വച്ചാണ് കോടിയേരിയും ബാറുടമകളും തമ്മില്‍ ഗൂഢാലോചന നടന്നതെന്ന് വ്യക്തമായിരുന്നതാണ്.
ബാര്‍ കോഴക്കേസില്‍ മാണി കുറ്റക്കാരനല്ലെന്ന നിലപാടാണ് അന്നും ഇന്നും യു.ഡി.എഫിന്റേത്. ബിജു രമേശിന്റെ വെളിപ്പെടുത്തലിന്മേല്‍ മുഖ്യമന്ത്രി നിലപാട് വ്യക്തമാക്കണമെന്നും ചെന്നിത്തല പറഞ്ഞു.