കോയമ്പത്തൂര്‍: ചെന്നൈ നഗരത്തിലെ ഒരു ലാബില്‍ ഉടമയുടെ ആസിഡ് ഏറില്‍ ജീവനക്കാരിയായ യുവതി മരിച്ചു. പുഴുതിവാക്കം ശിവ സുബ്രഹ്മണ്യം നഗറിലെ ആനന്ദിന്റെ ഭാര്യ യമുന (33) ആണ് മരിച്ചത്.
രക്ത പരിശോധനാ റിപ്പോര്‍ട്ട് തയാറാക്കുന്നത് വൈകിയെന്നാരോപിച്ച് ലാബ് ഉടമ രാജയാണ് ലാബില്‍ ഉണ്ടായിരുന്ന ആസിഡ് എടുത്ത് യമുനയുടെ ദേഹത്തു ഒഴിച്ചത്. ദേഹമാസകലം പൊള്ളലേറ്റ യുവതി കീഴ്പ്പാക്കം ആശുപത്രിയില്‍ മരിച്ചു. രാജയെ പൊലിസ് അറസ്റ്റ് ചെയ്തു.