കല്‍പ്പറ്റ: വര്‍ഷങ്ങള്‍ക്ക് ശേഷം വയനാടന്‍ ഫുട്ബാള്‍ പ്രേമികള്‍ക്ക് ആവേശം പകര്‍ന്ന് കല്‍പ്പറ്റയില്‍ 11 മുതല്‍ ലളിത മഹല്‍ ഓഡിറ്റോറിയത്തിന് സമീപം കേരളത്തിലെ പ്രമുഖ ടീമുകളെയും പ്രാദേശിക ടീമുകളെയും പങ്കെടുപ്പിച്ച് വയനാട് ചാംപ്യന്‍സ് ട്രോഫി ആരംഭിക്കും.
വയനാട് ചാംപ്യന്‍സ് ട്രോഫി- 18ന്റെ വെബ്‌സൈറ്റ് ഉദ്ഘാടനം നഗരസഭാ വൈസ് ചെയര്‍മാന്‍ പി.പി ആലി നിര്‍വഹിച്ചു. റഊഫ് ഓടേങ്ങില്‍ അധ്യക്ഷനായി. ഫെയ്‌സ്ബുക്ക് പേജിന്റെ ഉദ്ഘാടനം വാര്‍ഡ് കൗണ്‍സിലര്‍ രാധാകൃഷ്ണന്‍ നിര്‍വഹിച്ചു. മൊബൈല്‍ ആപ്പിന്റെ ഉദ്ഘാടനം ഫിനാന്‍സ് മാനേജര്‍ കുരുണ്യന്‍ ആരിഫ് നിര്‍വഹിച്ചു.
പ്രസിഡന്റ് നാസര്‍ കല്ലങ്കോടന്‍, സെക്രട്ടറി ഗ്ലാഡ്‌സണ്‍ മുണ്ടേരി, ടൂര്‍ണ്ണമെന്റ് ചെയര്‍മാന്‍ നാസര്‍, ട്രഷര്‍ റഊഫ് ഒലീവ്‌സ്, ആരിഫ് അലൂമിനിയം വേള്‍ഡ്, ഒ.എം റഊഫ്, സി.കെ ഖാലിദ് സംസാരിച്ചു.