റിയാദ്: സ്വിമിങ് പൂളില്‍ വീണു മലയാളി വിദ്യാര്‍ത്ഥി മരിച്ചു. കോഴിക്കോട് കൊടുവള്ളി കാളരാന്തിരി അബ്ദുല്‍ ലത്വീഫിന്റെ മകള്‍  ഫിദ അബ്ദുല്‍ ലത്തീഫ് (14) ആണ് മരിച്ചത്. ജിദ്ദ  അല്‍ മാവാരിദ് ഇന്റര്‍നാഷണല്‍ സ്‌കൂള്‍  പത്താം  ക്ലാസ്  വിദ്യാര്‍ത്ഥിനിയാണ്.

പിതാവ് ലത്തീഫ് കെ എം സി സി കൊടുവള്ളി മണ്ഢലം പ്രസിഡണ്ടും അല്‍ ശര്‍ഖ് ഫര്ണിച്ചര്‍ മാനേജിങ്  ഡയറക്ടറുമാണ്. ജിദ്ദയിലെ റിഹേലിയില്‍ ശനിയാഴ്ച രാത്രി നടന്ന കൊടുവള്ളി കെ എം സി സി കുടുംബ സംഗമത്തിനിടെയാണ് സംഭവം.

കുട്ടികള്‍ സ്വിമ്മിംഗ് പൂളില്‍ നീന്താനിറങ്ങിയിരുന്നു. പിന്നീട് ഫിദയെ കാണാത്തതിനെ തുടര്‍ന്ന് നടത്തിയ തിരച്ചിലിലാണ് മരിച്ച നിലയില്‍ കണ്ടെത്തിയത്. സുലൈമാനിയയിലെ ആശുപത്രിയില്‍ പ്രവേശിപ്പിച്ച മൃതദേഹം മക്കയില്‍ ഖബറടക്കാനുള്ള ശ്രമത്തിലാണ്.