ജിദ്ദ: ഹജ്ജ്-ഉംറ തീര്‍ഥാടകര്‍ക്ക് ഒരു കുപ്പി സംസം മാത്രമേ അനുവദിക്കുവെന്ന് സഊദി കസ്റ്റംസ് അധികൃതര്‍. ആറു വര്‍ഷമായി തുടരുന്ന വ്യവസ്ഥയാണിതെന്നും ഇതില്‍ ഇപ്പോള്‍ മാറ്റം വരുത്തില്ലെന്നും അധികൃതര്‍ അറിയിച്ചു.

ജോര്‍ദാനില്‍ നിന്നെത്തിയ ഉംറ സംഘത്തില്‍ നിന്നും സഊദിയിലെ അമ്മാര്‍ അതിര്‍ത്തിയില്‍ വച്ച് അധികമുള്ള സംസം കുപ്പികള്‍ കസ്റ്റംസ് വിഭാഗം പിടിച്ചെടുത്തിരുന്നു. ഇതേ തുടര്‍ന്നാണ് കസ്റ്റംസ് വിഭാഗം മേധാവി ഖാലിദ് മുഹമ്മദ് അല്‍റുമൈഹ് വിശദീകരണവുമായി രംഗത്തുവന്നത്.