ന്യൂഡല്‍ഹി: ഡാനിഷ് വനിതയെ ഡല്‍ഹിയില്‍ കൂട്ടമാനഭംഗത്തിനിരയാക്കിയ കേസില്‍ അഞ്ചു പ്രതികള്‍ക്ക് ജീവപര്യന്തം തടവ്. മഹേന്ദ്ര എന്ന ഗജ്ജ, രാജു, അര്‍ജുന്‍, രാജു ചാക്ക,മുഹമ്മദ് രാജ, എന്നിവരെയാണ് കോടതി ജീവപരന്ത്യം തടവിനു ശിക്ഷിച്ചത്. പ്രായപൂര്‍ത്തിയാവാത്ത രണ്ട്് പേരടക്കം ഒമ്പത് പ്രതികളാണ് കേസില്‍ ഉള്‍പ്പെട്ടിട്ടുള്ളത്. ഇവരില്‍ മൂന്ന് പേര്‍ക്കെതിരെ ജുവനൈല്‍ നിയമ പ്രകാരമാണ് കേസെടുത്തിരുന്നത്. മറ്റൊരു പ്രതിയായ ശ്യാംലാല്‍ നേരത്തെ കസ്റ്റഡിയില്‍ മരിച്ചിരുന്നു.

അഞ്ച് പേരും കുറ്റക്കാരാണെന്ന് കോടതി കണെ്ടത്തിയിരുന്നു. 2014 ജനുവരി 14ന് ഡല്‍ഹിയിലെ ഡിവിഷണല്‍ റെയില്‍വേ ഓഫീസേഴ്‌സ് ക്ലബിനു സമീപമായിരുന്നു കേസിനാസ്്പദമായ സംഭവം. വിനോദ സഞ്ചാരിയായ ഡാനിഷ് വനിതയെ കത്തികാട്ടി ഭീഷണിപ്പെടുത്തി കൂട്ടമാനഭംഗപ്പെടുത്തുകയായിരുന്നു. പിന്നീട് ഇവരുടെ ബാഗും മറ്റു സാധനങ്ങളും പ്രതികള്‍ കവര്‍ച്ച നടത്തുകയും ചെയ്തിരുന്നു.