ഷാങ്ഹായ്: ചൈനയിലെ ഷാങ്ഹായ് വിമാനത്താവളത്തിലുണ്ടായ സ്‌ഫോടനം. സംഭവത്തില്‍ മൂന്നു പേര്‍ക്ക് പരുക്കേറ്റു. ഷാങ്ഹായ് വിമാനത്താവളത്തിലെ ടിക്കറ്റ് കൗണ്ടറിനു സമീപമാണ് പൊട്ടിത്തെറിയുണ്ടായത്.
പ്രദേശിക സമയം 2.20നാണ് സ്‌ഫോടനമുണ്ടായത്. യാത്രക്കാരെ പരിശോധിക്കുന്നതിനിടെയാണ് സ്‌ഫോടനമുണ്ടായത്. പടക്കം പൊട്ടിയതാണ് സംഭവമെന്ന് അധികൃതര്‍ അറിയിച്ചു. പരുക്കേറ്റ മൂന്നു പേരെ ആശുപത്രിയില്‍ പ്രവേശിപ്പിച്ചു. ഇവരുടെ കൂടുതല്‍ വിവരങ്ങള്‍ പുറത്തുവിട്ടിട്ടില്ല. ചൈനയിലെ ഏറ്റവും തിരക്കേറിയ എയര്‍പ്പോര്‍ട്ടുകളില്‍ രണ്ടാം സ്ഥാനമാണ് ഷാങ്ഹായ് വിമാനത്താവളത്തിന്. സ്‌ഫോടനം വിമാനസര്‍വീസുകളെയൊന്നും ബാധിച്ചിട്ടില്ലെന്ന് അധികൃതര്‍ അറിയിച്ചു.