കട്ടക്ക്: വിജയ് ഹസാരെ ട്രോഫി ഏകദിന പോരാട്ടത്തില്‍ കേരളത്തിനു തുടര്‍ച്ചയായ അഞ്ചാം തോല്‍വി. കരുത്തരായ ഡല്‍ഹി കേരളത്തെ നാലു വിക്കറ്റിനു കീഴടക്കി. ആദ്യം ബാറ്റു ചെയ്ത കേരളം 50 ഓവറില്‍ എട്ടു വിക്കറ്റ് നഷ്ടത്തില്‍ 231 റണ്‍സെടുത്തപ്പോള്‍ 44.1 ഓവറില്‍ ആറു വിക്കറ്റ് നഷ്ടത്തില്‍ 237 റണ്‍സെടുത്തു ഡല്‍ഹി വിജയം സ്വന്തമാക്കി. 64 റണ്‍സെടുത്ത ഉന്‍മുക്ത് ചന്ദാണു ഡല്‍ഹി ടോപ് സ്‌കോറര്‍. കേരളത്തിനായി സന്ദീപ് വാര്യര്‍, ഫാബിദ് അഹമദ് രണ്ടു വിക്കറ്റുകള്‍ വീഴ്ത്തി.
നേരത്തെ കേരളത്തിനായി സല്‍മാന്‍ നിസാര്‍ (59), സഞ്ജു സാംസണ്‍ (41) എന്നിവര്‍ പിടിച്ചു നിന്നു. ഡല്‍ഹി നിരയില്‍ നവ്ദീപ് സൈനി, പവന്‍ സൂയല്‍ എന്നിവര്‍ രണ്ടു വീതം വിക്കറ്റുകള്‍ വീഴ്ത്തി.