തൃക്കരിപ്പൂര്‍: ഫാപ്പിന്‍സ് കമ്മ്യൂണിറ്റി കോളജ് ഓഫ് ബിഹേവിയര്‍ മാനേജ്‌മെന്റിന്റെ നേതൃത്വത്തില്‍ കണ്ണൂര്‍ സര്‍വകലാശാല നടത്തുന്ന പി.ജി ഡിപ്ലോമ ഇന്‍ കൗണ്‍സിലിങ് ആന്‍ഡ് പി.ജി ഡിപ്ലോമ ലേര്‍ണിങ് ഡിസാബിലിറ്റി ബാച്ചുകളുടെ അലുമ്‌നി അസോസിയേഷന്‍ രൂപീകരണവും 2015-16 ബച്ചിന്റെ കോണ്‍വെക്കേഷനും ഇന്നു നടക്കുമെന്നു സംഘാടകര്‍ വാര്‍ത്താസമ്മേളനത്തില്‍ അറിയിച്ചു.
വൈകീട്ട് മൂന്നിന് പയ്യന്നൂര്‍ ഗാന്ധി മൈതാനിയില്‍ നടക്കുന്ന പരിപാടി കണ്ണൂര്‍ സര്‍വകലാശാല രജിസ്ട്രാര്‍ ഡോ. ബാലചന്ദ്രന്‍ ഉദ്ഘാടനം ചെയ്യും. ഫാപ്പിന്‍സ് ചെയര്‍മാന്‍ സി.ടി അബ്ദുല്‍ ഖാദിര്‍ അധ്യക്ഷനാകും. കണ്ണൂര്‍ സര്‍വകലാശാല സിന്‍ഡിക്കേറ്റ് അംഗം ഡോ. വി.പി.പി മുസ്തഫ, പയ്യന്നൂര്‍ മുനിസിപ്പല്‍ ചെയര്‍മാന്‍ ശശി വട്ടക്കൊവ്വല്‍ സംബന്ധിക്കും.