തിരുവനന്തപുരം:  ട്രിവാന്‍ഡ്രം സൈക്ലത്തോണിന്റെ രണ്ടാംപതിപ്പിന് അരങ്ങൊരുങ്ങുന്നു. സൈക്ലിങ് പ്രോല്‍സാഹിപ്പിക്കാനും ആരോഗ്യകരമായ ജീവിതശൈലി വളര്‍ത്തിയെടുക്കാനുമായി സംഘടിപ്പിക്കുന്ന സംസ്ഥാനത്തെ ഏക കൂട്ട സൈക്കിളോട്ടമായ സില്‍ക്ക് എയര്‍ ട്രിവാന്‍ഡ്രം സൈക്ലത്തോണ്‍ 2017 ഏപ്രില്‍ എട്ടിന് നടക്കും. അന്നു രാവിലെ അഞ്ചു മണിക്ക് വെള്ളയമ്പലം മാനവീയം വീഥിയില്‍  ഫ്‌ളാഗ് ഓഫ് ചെയ്യും.  വെള്ളയമ്പലം  കവടിയാര്‍   പട്ടം    പി.എം.ജി   വെള്ളയമ്പലം സര്‍ക്യൂട്ടാണ് സൈക്ലിങ്ങിനായി നിശ്ചയിച്ചിട്ടുള്ളത്. സ്റ്റാര്‍ട്ടിങ് പോയിന്റായ മാനവീയം വീഥിയില്‍ തന്നെയാണ് ഫിനിഷിങ്ങും. രജിസ്‌ട്രേഷനു തുടക്കമായി.