കണ്ണൂര്‍: കേരള സ്‌റ്റേറ്റ് പൊലിസ് പെന്‍ഷനേഴ്‌സ് വെല്‍ഫെയര്‍ അസോസിയേഷന്‍ ജില്ലാ സമ്മേളനം നാളെ പൊലിസ് ഓഡിറ്റോറിയത്തില്‍ നടക്കും. രാവിലെ ഒന്‍പതിനു നടക്കുന്ന പൊതുസമ്മേളനം മന്ത്രി കടന്നപ്പള്ളി രാമചന്ദ്രന്‍ ഉദ്ഘാടനം ചെയ്യും.
ജില്ലാ വൈസ് പ്രസിഡന്റ് മുയ്യം രാഘവന്‍ അധ്യക്ഷനാവും. ചടങ്ങില്‍ റിട്ട ഡി.ജി.പി കെ.ജെ ജോസഫിനെ ആദരിക്കും. ജില്ലാ കലക്ടര്‍ മീര്‍ മുഹമ്മദലി മുഖ്യപ്രഭാഷണം നടത്തും. ഉച്ചയ്ക്ക് 2.30നു നടക്കുന്ന പ്രതിനിധി സമ്മേളനം ഡി.വൈ.എസ്.പി ടി.പി രജ്ഞിത്ത് ഉദ്ഘാടനം ചെയ്യും. വാര്‍ത്താസമ്മേളനത്തില്‍ മുയ്യം രാഘവന്‍, പി ബാലന്‍, ടി.കെ കുഞ്ഞിരാമന്‍, എം.ജി ജോസഫ് സംബന്ധിച്ചു.