വാണിമേല്‍: ജലസ്രോതസുകളുടെ സംരക്ഷണത്തിനും ജലദുരുപയോഗം തടയുന്നതിനുമായി വിപുലമായ പ്രചാരണ പരിപാടികള്‍ നടത്താന്‍ എസ്.കെ.എസ്.എസ്.എഫ് വാണിമേല്‍ മേഖലാ കമ്മിറ്റി പദ്ധതികള്‍ ആവിഷ്‌ക്കരിച്ചു. ലോക ജലദിനമായ 22ന് ക്ലസ്റ്റര്‍ തലങ്ങളില്‍ 'ജലം ജീവന്‍' ജാഗ്രത സംഗമവും മേഖല പരിധിയിലെ മുഴുവന്‍ ശാഖകളിലും വിവിധ ബോധവല്‍ക്കരണ പരിപാടികളും സംഘടിപ്പിക്കും.
പ്രചാരണത്തിന്റെ ഭാഗമായി ഡോക്യുമെന്ററി പ്രദര്‍ശനം, ഗ്രൂപ്പ് ക്വിസ് മത്സരം, സൗജന്യ കുടിവെള്ള വിതരണം, തണ്ണീര്‍ക്കുടം, ജലസ്രോതസ് സംരക്ഷണം, പ്രഭാഷണം തുടങ്ങി വിവിധയിനം പദ്ധതികള്‍ നടപ്പാക്കും. മേഖലാ തല പ്രചാരണ ഉദ്ഘാടനം എസ്.വൈ.എസ് ജില്ലാ ഉപാധ്യക്ഷന്‍ സയ്യിദ് ടി.പി.സി തങ്ങള്‍ നിര്‍വഹിച്ചു.
 ത്വയ്യിബ് റഹ്മാനി കുയ്‌തേരി അധ്യക്ഷനായി.