മലപ്പുറം: കോണ്‍ഫെഡറേഷന്‍ ഓഫ് കേരള കോളജ് ടീച്ചേഴ്‌സ് ഏഴാം സംസ്ഥാന സമ്മേളനത്തിന് തുടക്കമായി. പ്രസിഡന്റ് പ്രൊഫ. പാമ്പള്ളി മഹ്മൂദ് പതാക ഉയര്‍ത്തിയതോടുകൂടിയാണ് ത്രിദിന സമ്മേളനത്തിന് തുടക്കമായത്. ജനറല്‍ സെക്രട്ടറി ഡോ. സൈനുല്‍ ആബിദ് കോട്ടസ്വാഗതം പറഞ്ഞു.
ഇന്ന് രാവിലെ 10ന് അധ്യാപകവൃത്തിയുടെ സമകാലീനത എന്ന സെമിനാറില്‍ മലപ്പുറം ഡി.ഡി.ഇ പി. സഫറുള്ള വിഷയം അവതരിപ്പിക്കും. 11.30-ന് യു.ജി.സി. എ.പി.ഐ. പദ്ധതിയും, അധ്യാപക പ്രമോഷനും എന്ന വിഷയം വേങ്ങര മലബാര്‍ കോളജ് പ്രിന്‍സിപ്പല്‍ ഡോ. യു. സെയ്തലവി അവതരിപ്പിക്കും. സയ്യിദ് മുനവ്വറലി ശിഹാബ് തങ്ങള്‍ ഉദ്ഘാടനം നിര്‍വഹിക്കും. 2.30-ന് മതേതര വിദ്യാഭ്യാസം സമര്‍പ്പിത മുന്നേറ്റം സെഷന്‍ കോഴിക്കോട് സര്‍വകലാശാല വൈസ് ചാന്‍സലര്‍ ഡോ. കെ. മുഹമ്മദ് ബഷീര്‍ ഉദ്ഘാടനം ചെയ്യും. നാലിന് മലപ്പുറം കെ.എസ്.ആര്‍.ടി.സി. പരിസരത്ത് ചേരുന്ന ഫാസിസത്തിനെതിരേയുള്ള തെരുവ് ക്ലാസ് വി.ടി ബല്‍റാം എം.എല്‍.എ ഉദ്ഘാടനം ചെയ്യും.