മങ്കട: കടന്നമണ്ണയില്‍ കാറും ഓട്ടോറിക്ഷയും കൂട്ടിയിടിച്ച് മൂന്നുപേര്‍ക്ക് പരുക്കേറ്റു. വെള്ളില കോഴിക്കോട്ടുപറമ്പ് സ്വദേശികളായ ഓട്ടോഡ്രൈവര്‍ പള്ളിക്കത്തൊടി ഷറഫുദ്ദീന്‍ (30), ഭാര്യ മഹ്‌റൂഫ (20), മകള്‍ ഫാത്തിമ ഷന്‍ഹ (1) എന്നിവര്‍ക്കാണ് പരുക്കേറ്റത്. ഇവരെ പെരിന്തല്‍മണ്ണ മൗലാനാ ആശുപത്രിയില്‍ തീവ്ര പരിചരണ വിഭാഗത്തില്‍ പ്രവേശിപ്പിച്ചു.
ശനിയാഴ്ച രാത്രി പത്തോടെയായിരുന്നു അപകടം. മങ്കട മണ്ണാറമ്പില്‍ നിന്നും വെള്ളിലയിലേക്ക് വരികയായിരുന്നു ഓട്ടോറിക്ഷ.  മഞ്ചേരിയില്‍ നിന്നും പെരിന്തല്‍മണ്ണ ഭാഗത്തേക്ക് വരികയായിരുന്ന ബാലുശ്ശേരി സ്വദേശികള്‍ സഞ്ചരിച്ച കാര്‍ തെറ്റായ ദിശയില്‍ വന്ന് ഓട്ടോറിക്ഷയില്‍ ഇടിക്കുകയായിരുന്നു. കാര്‍ ഡ്രൈവര്‍ മദ്യപിച്ചിരുന്നതായി നാട്ടുകാര്‍ പറഞ്ഞു. കാര്‍ ഡ്രൈവറെ മങ്കട പൊലിസ് അറസ്റ്റ് ചെയ്ത് ജാമ്യത്തില്‍ വിട്ടു.