വടക്കാഞ്ചേരി: കാര്‍ഷികോല്‍പ്പന്നങ്ങളുടെ വിപണനം ശക്തമാക്കുന്നതിന്റെ ഭാഗമായി കൃഷി വകുപ്പ് ആരംഭിച്ച കര്‍ഷക മിത്ര പദ്ധതിയുടെ പ്രവര്‍ത്തനത്തിന് വടക്കാഞ്ചേരിയില്‍ തുടക്കമായി. കര്‍ഷകരുടെ ഉല്‍പ്പന്നങ്ങള്‍ ഉല്‍പാദന കേന്ദ്രത്തിലെത്തി വിപണിവില നല്‍കി സംഭരിച്ചു വിപണനം നടത്തുകയാണു പദ്ധതിയുടെ ലക്ഷ്യം.
വടക്കാഞ്ചേരി നഗരസഭാ പരിധിയിലെ കര്‍ഷകര്‍ കര്‍ഷക മിത്ര പദ്ധതി പ്രകാരം ഉല്‍പ്പന്നങ്ങള്‍ നല്‍കുന്നതിനായി ഉല്‍പാദിപ്പിക്കുന്ന വിളകളുടെ വിശദവിവരങ്ങള്‍ 22ന് ഉച്ചയ്ക്കു മുന്‍പായി കൃഷി ഭവനില്‍ പേരു രജിസ്റ്റര്‍ ചെയ്ത് അറിയിക്കണമെന്ന് കൃഷി ഓഫിസര്‍ അറിയിച്ചു.