എടക്കര: താമസിച്ചിരുന്ന ഷെഡ് കത്തിനശിച്ചു. കുറുമ്പലങ്ങോട് വില്ലേജിലെ പൂക്കോട്ടുമണ്ണ നെല്ലി പൊയ്കയിലെ നീലങ്ങാടന്‍ ചന്ദ്രനും ഭാര്യ സരിതയും താമസിച്ചിരുന്ന ഷെഡാണ് കത്തിയമര്‍ന്നത്. വീട് നിര്‍മിക്കാന്‍ സ്വരൂപിച്ച 45,000 രൂപയും കത്തിച്ചാമ്പലായി.
കഴിഞ്ഞ ദിവസം രാത്രി എട്ടരയോടെയാണ് സംഭവം. ഇരുവരും കുളിക്കാന്‍ പുഴയില്‍ പോയ സമയത്ത് അടുപ്പില്‍ നിന്നും തീ പടര്‍ന്നെന്നാണ് കരുതുന്നത്. വീട്ട് സാധനങ്ങളും വസ്ത്രങ്ങളും ഉള്‍പ്പെടെ കത്തിനശിച്ചിട്ടുണ്ട്. കുറുമര്‍ സമുദായത്തില്‍പ്പെട്ട ചന്ദ്രന് ക്ഷയരോഗിയാണ്.
ഭാര്യ അരിവാള്‍ രോഗത്തിന്റെ ചികിത്സയിലുമാണ്.