മഞ്ചേരി: കിണറില്‍ വീണ ആറുമാസം പ്രായമുള്ള പശുക്കുട്ടിയെ മഞ്ചേരി അഗ്നിശമന സേനരക്ഷപ്പെടുത്തി. എളയൂര്‍ പാറമ്മല്‍ വീട്ടില്‍ ഇബ്രാഹിമിന്റെ പശുക്കുട്ടിയാണ് വീടിനോടു ചേര്‍ന്നുള്ള 60 അടിയിലധികം താഴ്ചയുള്ള കിണറ്റില്‍ വീണത്. രാവിലെ പതിനൊന്നു മണിയോടെയായിരുന്നു സംഭവം. മഞ്ചേരി അഗ്‌നിശമന സേനയിലെ ഫയര്‍മാന്‍മാരായ ഇ.എം അബ്ദു റഫീഖ്, സി. വിവീന്‍ എന്നിവര്‍ കിണറ്റില്‍ ഇറങ്ങിയാണ് പശുകുട്ടിയെ പുറത്തെടുത്തത്. അസിസ്റ്റന്റ് സ്റ്റേഷന്‍ ഓഫീസര്‍ പി.ടി ഉമ്മര്‍, പി. മുഹമ്മദ് ഷാഫി, അഫ്‌സല്‍, കുട്ടികൃഷ്ണന്‍ എന്നിവരും രക്ഷാപ്രവര്‍ത്തനത്തില്‍ പങ്കെടുത്തു.