ലാഹോര്‍: പാകിസ്താനിലെ ലാഹോറിലുണ്ടായ ബോംബ് സ്‌ഫോടനത്തില്‍ നാലു പേര്‍ കൊല്ലപ്പെട്ടു. രണ്ടു പട്ടാളക്കാരും രണ്ട് സിവിലിയന്‍മാരുമാണ് കൊല്ലപ്പെട്ടത്. പത്തിലേറെ ആളുകള്‍ക്ക് പരുക്കേറ്റിട്ടുണ്ട്.

സെന്‍സസ് പ്രവര്‍ത്തകരുടെ സംഘത്തെ ലക്ഷ്യമിട്ടാണ് ആക്രമണമുണ്ടായതെന്ന് സുരക്ഷാ ഉദ്യോഗസ്ഥര്‍ റിപ്പോര്‍ട്ടു ചെയ്തു. ചാവേര്‍ ബോംബാക്രമണമായിരുന്നുവെന്ന് പഞ്ചാബ് സര്‍ക്കാര്‍ വക്താവ് പറഞ്ഞതായി റോയിട്ടര്‍ റിപ്പോര്‍ട്ട് ചെയ്തു.

സ്‌ഫോടനത്തിന്റെ ഉത്തരവാദിത്വം ആരും ഏറ്റെടുത്തിട്ടില്ല. 1998നു ശേഷം രാജ്യത്തു നടക്കുന്ന സെന്‍സസ് ആണിത്. പട്ടാളക്കാരും സെന്‍സസ് പ്രവര്‍ത്തനങ്ങളില്‍ പങ്കാളിയാണ്.