സൻആ: യമനിൽ കൊവിഡ്-19 വൈറസ് ബാധയേറ്റ് ഒരാൾ കൂടി മരണപ്പെട്ടു. പുതുതായി ഒമ്പത് പേർക്ക് വൈറസ് ബാധ സ്ഥിരീകരിക്കുകയും ചെയ്‌തിട്ടുണ്ട്‌. ഇതോടെ രാജ്യത്തെ വൈറസ് ബാധിതരുടെ എണ്ണം 21 ആയും മരണം മൂന്നായും ഉയർന്നതായി ദേശീയ എമർജൻസി സുപ്രീം കമ്മിറ്റി അറിയിച്ചു. തെക്കൻ തുറമുഖ നഗരമായ ഏദനിൽ എട്ട് വൈറസ് ബാധ കേസുകളും ഹദർമൗത് മേഖലയിൽ മറ്റൊരു അണുബാധയുമാണ് സ്ഥിരീകരിച്ചത്.

    അതേസമയം, വടക്കൻ മേഖലയിലെ ഇറാനിയൻ പിന്തുണയുള്ള ഹൂത്തി നിയന്ത്രണത്തിലുള്ള സർക്കാർ ഇതുവരെ വൈറസ് ബാധ സ്ഥിരീകരിച്ചിട്ടില്ല. ഇവിടെ വൈറസ് സംശയമുള്ളവരിൽ നടത്തിയ പരിശോധനക ഫലം നെഗറ്റിവ് ആണെന്നാണ് അധികൃതർ അറിയിച്ചത്.