റിയാദ്: സൗദി അറേബ്യയിലെ റിയാദിൽ മലയാളിയെ മരിച്ച നിലയിൽ കണ്ടെത്തി. മലപ്പുറം വാഴക്കാട് കോലോത്തുകടവ് പുല്ലാഞ്ചിരി അബ്ദു (50)വാണ്‌ താമസ്ഥലത്ത് വെച്ച് മരിച്ചത്. റിയാദ് ഡിപ്ലോമാറ്റിക് ക്വാർട്ടറിലെ പെട്രോൾ പമ്പിലെ ജീവനക്കാരനായിരുന്നു. കഴിഞ്ഞ ദിവസം അബ്ദുവിന്‌ കോവിഡ് പരിശോധന നടത്തിയിരുന്നു. ഫലം നെഗറ്റീവായിരുന്നു. അതെ സമയം ഇവ്വിഷയത്തിൽ ഇദ്ദേഹം അസ്വസ്ഥനായിരുന്നുവെന്ന് സുഹൃത്തുക്കൾ പറഞ്ഞു. മാതാവ്: ആയിശ. ഭാര്യ സക്കീന, മക്കൾ: നിയാസ്, ഷംന, നസ്ന, മരുമകൻ: ശഫീഖ് എടവണ്ണപ്പാറ.  സഹോദരൻ : പുല്ലാഞ്ചിരി ആലി.