പേരാമ്പ്ര: ഇടിമിന്നലില്‍ വീടിന് തീപിടിച്ചു. പാലേരി തോട്ടത്താം കണ്ടിയിലെ ചരിത്രംകണ്ടി രവീന്ദ്രന്റെ വീടിന്റെ അടുക്കള ഭാഗത്തിനും സമീപത്തുള്ള വിറകുപുരക്കുമാണ് തീപിടിച്ചത്. വൈകിട്ട് നാലരയോടെയാണ് സംഭവം. ഓലമേഞ്ഞ വിറകുപുരക്ക് പിടിച്ച തീ അടുക്കളക്കു മുകളിലുള്ള തേങ്ങാക്കുടയിലേക്കും പടരുകയായിരുന്നു. ആയിരത്തോളം തേങ്ങകള്‍ കത്തി നശിച്ചു. വിറകുപുര പൂര്‍ണമായും തേങ്ങാക്കുട ഭാഗികമായും കത്തിയമര്‍ന്നു. ഓടിക്കൂടിയ നാട്ടുകാര്‍ ചേര്‍ന്നാണ് തീയണച്ചത്. ഒരു ലക്ഷം രൂപയുടെ നഷ്ടം കണക്കാക്കുന്നു.