തിരുവനന്തപുരം: തെരഞ്ഞടുപ്പ് പ്രചാരണം ഉദ്ഘാടനം ചെയ്യാനായി കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി രണ്ടു ദിവസത്തെ പര്യടനത്തിന് ഇന്ന് വൈകിട്ട് കേരളത്തിലെത്തും. തിരുവന്തപുരത്ത് നിന്ന് പ്രത്യേക വിമാനത്തില്‍ കൊച്ചിയിലെത്തുന്ന അദ്ദേഹം രാത്രി തൃശൂര്‍ രാമനിലയത്തില്‍ താമസിക്കും.
വ്യാഴാഴ്ച രാവിലെ 10ന് തൃശൂര്‍ തൃപ്രയാര്‍ ഇന്‍ഡോര്‍ സ്‌റ്റേഡിയത്തില്‍ ദേശീയ ഫിഷര്‍മെന്‍ പാര്‍ലമെന്റില്‍ സംബന്ധിക്കും. 12.15ന് ഹെലികോപ്റ്ററില്‍ കണ്ണൂരിലെത്തും. കണ്ണൂര്‍ വിമാനത്താവളത്തിലെ വി.ഐ.പി ലോഞ്ചില്‍ വച്ച് കൊല്ലപ്പെട്ട യൂത്ത് കോണ്‍ഗ്രസ് നേതാവ് ഷുഹൈബിന്റെ കുടുംബാംഗങ്ങളെ കാണും. ഒരു മണിക്ക് ഹെലികോപ്റ്ററില്‍ കാസര്‍കോട്ടേക്ക് പോകും. 3.25ന് പെരിയയില്‍ കൊല്ലപ്പെട്ട കൃപേഷിന്റേയും ശരത്‌ലാലിന്റേയും കുടംബാംഗങ്ങളെ സന്ദര്‍ശിക്കും. വൈകിട്ട് കോഴിക്കോട്ട് കടപ്പുറത്ത് ജനമഹാറാലിയിലും പങ്കെടുക്കും.