കണ്ണൂര്‍: ധാര്‍മിക അപചയവും മൂല്യശോഷണവും സംഭവിച്ചുകൊണ്ടിരിക്കുന്ന വര്‍ത്തമാനകാലത്ത് കലകള്‍ സാമൂഹ്യ പുരോഗതിക്ക് ഉപയുക്തമാവുന്ന രീതിയില്‍ ഉപയോഗപ്പെടുത്തണമെന്ന് പൊലിസ് അസി. കമാന്‍ഡന്റ് വി.കെ അബ്ദുല്‍ നിസാര്‍. പാപ്പിനിശ്ശേരി വെസ്റ്റ് ജാമിഅ അസ്അദിയ്യ ഇസ്‌ലാമിയ്യ സ്ഥാപനങ്ങളിലെ വിദ്യാര്‍ഥി സമാജം സംഘടിപ്പിച്ച കലാസാഹിത്യ മത്സരങ്ങളുടെ ഉദ്ഘാടനത്തില്‍ മുഖ്യപ്രഭാഷണം നടത്തുകയായിരുന്നു അദ്ദേഹം. പി.കെ.പിഅബ്ദുസലാം മുസ്‌ലിയാര്‍ ഉദ്ഘാടനം ചെയ്തു. എസ്.കെ ഹംസ ഹാജി, എ.കെ അബ്ദുല്‍ ബാഖി, കെ. മുഹമ്മദ് ഷരീഫ് ബാഖവി, ബി. യുസുഫ് ബാഖവി, അബുസുഫയാന്‍ ബാഖവി, അബ്ദുന്നാസര്‍ ഹൈത്തമി, അബ്ദുല്‍ ഫത്താഹ് ദാരിമി, ഹാഫില്‍ അബ്ദുല്‍ കാദര്‍ ഫൈസി, അയ്യൂബ് അസ്അദി, അബ്ദുല്‍ വാഹിദ് അസ്അദി, അബ്ദുറഹ്മാന്‍ അസ്അദി, ഹാഫിള്‍ സഹല്‍ അസ്അദി, ഹാഫില്‍ ശിഹാബുദ്ധീന്‍ നിസാമി, ഭാര്‍ഗവന്‍, ജംഷീര്‍, അജിത്ത്, മനാഫ് അസ്അദി, ഇല്യാസ് ഇരിട്ടി സംസാരിച്ചു.