കാക്കനാട്: 26 മുതല്‍ 30 വരെ മുണ്ടംപാലം ഹുദൈബിയ്യയില്‍ നടക്കുന്ന എസ്.കെ.എസ്.എസ്.എഫ് ജില്ലാ സമ്മേളനമായ മദീനപാഷന്റെ പ്രചരണ പ്രവര്‍ത്തനങ്ങള്‍ ഊര്‍ജിതമായി.
സമ്മേളനത്തിന് വിപുലമായ ഒരുക്കങ്ങളാണ് ജില്ലയില്‍ നടന്നുകൊണ്ടിരിക്കുന്നത്. കേരളത്തിലെ മത  സാംസ്‌കാരിക  വിദ്യഭ്യാസ  രാഷ്ട്രീയ  രംഗത്തെ പ്രമുഖ വ്യക്തിത്വങ്ങളാണ് 5 ദിവസങ്ങളിലായി നടക്കുന്ന മദീന പാഷനില്‍ പങ്കെടുക്കുന്നത്. പ്രചരണവുമായി ജില്ലാ കമ്മിറ്റി നടത്തുന്ന സ്‌നേഹസന്ദേശ യാത്ര ഇരുപത്തിമൂന്നാം തീയതി ഞായറാഴ്ച്ച രണ്ട് മേഖലകളിലായി നടക്കും.
അന്നേ ദിവസം രാവിലെ 8 മണിക്ക് കൊച്ചി, മൂവാറ്റുപുഴ എന്നീ മേഖലകളില്‍ നിന്നുമാണ് ജാഥ ആരംഭിക്കുന്നത്. ഇരു ജാഥകളും വൈകിട്ട് 7 മണിക്ക് എടത്ത കുഞ്ചാട്ടുകരയില്‍ പൊതു സമ്മേളനത്തോടെ സമാപിക്കും.
മദീന പാഷന്റെ ഡെലിഗേറ്റ്‌ഴ് മീറ്റിന്റെ രജിസ്‌റ്റേഷന്‍ പൂര്‍ത്തീകരിച്ചു. കോളജ് യുനിവേഴ്‌സിറ്റി വിദ്യാര്‍ഥികള്‍ പങ്കെടുക്കുന്ന സെഷനായ ഇന്ത്യ ഫാസിസത്തിനെതിരെ സെമിനാര്‍, ഈ വര്‍ഷം എസ്.എസ്.എല്‍.സി പരീക്ഷ എഴുതിയ വിദ്യാര്‍ത്ഥികള്‍ പങ്കെടുക്കുന്ന സെഷനായ വാഫി സ്‌നേഹ ജാലകം, 13 മുതല്‍ 19 വരെ പ്രായമുള്ള ആണ്‍കുട്ടികള്‍  പങ്കെടുക്കുന്ന സെഷനായ ടീന്‍ മീറ്റ്, 14 വയസ്സിന് മുതല്‍ ഉള്ള സ്‌കൂള്‍, കോളേജ് തലങ്ങളില്‍ പങ്കെടുക്കുന്ന സെഷനായ നാട്ടു നന്‍മ എന്നിവയിലേക്കുള്ള രജിസ്റ്റേഷനുകള്‍ നടന്നുകൊണ്ടിരിക്കുകയാണ്.
30ന് വൈകിട്ട് 7 മണിക്ക് മഹാസമ്മേളനത്തോടുകൂടിയാണ് മദീന പാഷന്‍ സമാപിക്കുന്നത്. ആലുവ സെന്‍ട്രല്‍ മസ്ജിദില്‍ കൂടിയ ജില്ലാ സെക്രട്ടറിയേറ്റ് യോഗത്തില്‍ ജില്ലാ വൈസ് പ്രസിഡന്റ് സൈനുദ്ദീന്‍ വാഫി അധ്യക്ഷത വഹിച്ചു.
സംസ്ഥാന സെക്രട്ടറിയേറ്റ് അംഗം നൗഫല്‍കുട്ടമശ്ശേരി യോഗം ഉദ്ഘാടനം ചെയ്തു.
കെ.എം ബഷീര്‍ ഫൈസി, അബ്ദുള്‍ വഹാബ് ദാരിമി, അബ്ദുള്‍ ഖാദര്‍ ഹുദവി, അബ്ദുള്‍ റഷീദ് ഫൈസി, കെ.എം അബ്ദുള്ള, കെ.എം ജിയാദ്, സിദ്ദീഖ് ചിറപ്പാട്ട്, ജാഫര്‍ കുന്നുകര, പി.എച്ച് അജാസ്, സിറാജ് തുടങ്ങിയവര്‍ പങ്കെടുത്തു.ജില്ല ജനറല്‍ സെക്രട്ടറി പി.എം ഫൈസല്‍ സ്വാഗതവും, ഓര്‍ഗനൈസിംഗ് സെക്രട്ടറി സിദ്ദീഖ് കുഴിവേലിപ്പടി നന്ദിയും പറഞ്ഞു.