മലപ്പുറം:  ജില്ലയില്‍ നിന്ന് പത്തുവര്‍ഷത്തിനുള്ളില്‍ കാണാതായവരെക്കുറിച്ച്  സമഗ്രാന്വേഷണം നടത്തണമെന്ന് മനുഷ്യാവകാശ സംഘടനയായ ആള്‍ കേരള ആന്‍ഡി  കറപ്ഷന്‍ ആന്‍ഡ് ഹ്യൂമന്റൈറ്റ്‌സ് പ്രൊട്ടക്ഷന്‍ കൗണ്‍സില്‍ ജില്ലാ കമ്മിറ്റി  ആവശ്യപ്പെട്ടു. ജില്ലയില്‍  കാണാതായവരെക്കുറിച്ച് കേസെടുത്ത് അടിയന്തിരമായി അന്വേഷണം നടത്തണമെന്നു കാണിച്ച് ഡിജിപി,  ജില്ലാ പൊലിസ് മേധാവി എന്നിവര്‍ക്ക് പരാതിയും അയച്ചു. യോഗം സംസ്ഥാന  സീനിയര്‍ വൈസ് പ്രസിഡന്റ് ബാപ്പു വടക്കയില്‍ ഉദ്ഘാടനം ചെയ്തു. ജില്ലാ  പ്രസിഡന്റ് പി.കെ അബ്ദുറഹ്മാന്‍ അധ്യക്ഷനായി. ജനറല്‍ സെക്രട്ടറി ജയപ്രകാശ്  അധികാരത്തില്‍, ഇ.ആര്‍ രാജേഷ്, ഹാരിസ് ഇന്ത്യന്‍, ഷറഫു മാപ്പുറം, അഹമ്മദ്  പള്ളിയാളി, കെ.പി സന്തോഷ് സംസാരിച്ചു.