കൊണ്ടോട്ടി: നഗരസഭയില്‍ കുടിവെള്ള വിതരണത്തിന് 12 ലക്ഷം രൂപ നീക്കിവച്ചു. ഓരോ വാര്‍ഡിലേക്കും 30,000 രൂപ വീതമാണ് നല്‍കുന്നത്. ചീക്കോട് കുടിവെള്ള ടാങ്കില്‍ നിന്ന് വെള്ളം ലോറികളില്‍ ശേഖരിച്ച് വാര്‍ഡുകളില്‍ വരള്‍ച്ചാ പ്രദേശത്തേക്ക് എത്തിച്ചു നല്‍കുകയാണ് ചെയ്യുന്നത്.
കുടിവെള്ളം എത്തിക്കുന്നതിന് തയാറുള്ളവര്‍ സെക്രട്ടറിക്ക് കത്ത് നല്‍കിയാല്‍ മതി. മാനദണ്ഡങ്ങള്‍ പാലിച്ചു കൊണ്ടായിരിക്കും അനുമതി നല്‍കുക. നഗരസഭയിലെ 40 വാര്‍ഡുകളിലും കുടിവെള്ള ക്ഷാമം രൂക്ഷമാണ്. ചെറിയ കുടിവെള്ള പദ്ധതികളടക്കം നിലച്ചിരിക്കുകയാണ്. വയല്‍ പ്രദേശങ്ങളിലെ കിണറുകള്‍ പോലും വറ്റിവരണ്ട അവസ്ഥയാണ്.
വലിയ തോട് വരണ്ടുണങ്ങിയതും കിണറുകളിലെ ജലനിരപ്പ് ഇല്ലാതായി.
ചീക്കോട് കടിവെള്ള പദ്ധതി നടപ്പാക്കാനായിട്ടില്ലെങ്കിലും വാഹനങ്ങളില്‍ വെള്ളമെത്തിച്ച് വിതരണം ചെയ്യുകയാണ്.