ആലക്കോട്: തളിപ്പറമ്പ്-കൂര്‍ഗ് ബോര്‍ഡര്‍ റോഡില്‍ അമ്മംകുളത്ത് സ്വകാര്യ ബസ് നിയന്ത്രണം വിട്ട് മതിലില്‍ ഇടിച്ചു. ഇന്നലെ ഉച്ചക്ക് 12ഓടെയായിരുന്നു അപകടം. ആലക്കോട് ഭാഗത്ത് നിന്നു തളിപ്പറമ്പിലേക്ക് പോവുകയായിരുന്ന ബസ് അമ്മംകുളം കോണ്‍വന്റിന്റെ മതിലില്‍ ഇടിക്കുകയായിരുന്നു. ഇടിയുടെ ആഘാതത്തില്‍ ബസിന്റെ മുന്‍വശവും മതിലും തകര്‍ന്നു. ബസില്‍ നിറയെ യാത്രക്കാരുണ്ടായിരുന്നെങ്കിലും ആര്‍ക്കും പരുക്കില്ല. ഒരാഴ്ച മുന്‍പ് ഇതിനു തൊട്ടടുത്ത് ബസും ലോറിയും കൂട്ടിയിടിച്ച് നിരവധി പേര്‍ക്ക് പരുക്കേറ്റിരുന്നു.