തുവ്വൂര്‍: നീലാഞ്ചേരി ഗവ. ഹൈസ്‌കൂളില്‍ നിര്‍മാണം പൂര്‍ത്തിയാക്കിയ 11 ഹൈടെക് ക്ലാസ് മുറികള്‍ വിദ്യാര്‍ഥികള്‍ക്ക് സമര്‍പ്പിച്ചു. ഉത്സവാന്തരീക്ഷത്തില്‍ എ.പി അനില്‍കുമാര്‍ എം.എല്‍.എ ക്ലാസ് മുറികളുടെ സ്വിച്ച് ഓണ്‍ നിര്‍വഹിച്ചു. എസ്.എസ്.എല്‍.സി പരീക്ഷയില്‍ ഉന്നതവിജയം നേടിയ സ്‌കൂളിലെ വിദ്യാര്‍ഥികളെ ചടങ്ങില്‍ അനുമോദിച്ചു. പൊതു വിദ്യാലയങ്ങളെ മികവിന്റെ കേന്ദ്രങ്ങളാക്കുക എന്ന സര്‍ക്കാര്‍ പദ്ധതിയുടെ ഭാഗമായി ജനകീയ പങ്കാളിത്തത്തോടെയാണ് നീലാഞ്ചേരി ഗവ. ഹൈസ്‌കൂളിലെ 11 ക്ലാസ് മുറികള്‍ ഹൈടെക് രീതിയിലാക്കിയത്. ജില്ലാ പഞ്ചായത്ത് അംഗം ടി.പി അഷ്‌റഫലി അധ്യക്ഷനായി. എസ്.എസ്.എല്‍.സി പരീക്ഷയില്‍ ഉന്നതവിജയം നേടിയ വിദ്യാര്‍ഥികളെ അനുമോദിച്ചു.
ജില്ലാ പഞ്ചായത്ത് ആരോഗ്യ വിദ്യഭ്യാസ സ്ഥിരസ്ഥിതി അധ്യക്ഷന്‍ വി. സുധാകരന്‍, കാളികാവ് ബ്ലോക്ക് പഞ്ചായത്ത് പ്രസിഡന്റ് പി. ഖാലിദ്, തുവ്വൂര്‍ പഞ്ചായത്ത് പ്രസിഡന്റ് തെറ്റത്ത് ബാലന്‍, ബ്ലോക്ക് പഞ്ചായത്തംഗം ജോജി കെ. അലക്‌സ്, സ്‌കൂള്‍ പി.ടി.എ പ്രസിഡന്റ് ടി.കെ ഫൈസല്‍ സംസാരിച്ചു.