പൂച്ചാക്കല്‍:തിരുവോണ നാളില്‍ കുരുന്നുകള്‍ പുലിവേഷം ധരിച്ച് ദുരിതാശ്വാസ നിധിയിലേക്ക് പണം ശേഖരിച്ചു.പാണാവള്ളി പഞ്ചായത്ത് ഏഴാം വാര്‍ഡ് ബാലവേദിയിലെ കുട്ടികളാണ് പണം സ്വരൂപിച്ചത്.
എല്ലാവര്‍ഷവും പുലിവേഷം കെട്ടി നാട്ടില്‍ നിന്നും സ്വരൂപിക്കുന്ന പണം കൂട്ടായ്മയുടെ പ്രവര്‍ത്തനങ്ങള്‍ക്കാണ് ഉപയോഗിക്കുന്നത്. എന്നാല്‍ ഇത്തവണ പ്രളയക്കെടുതിയില്‍ അകപ്പെട്ട കുടുംബങ്ങള്‍ക്ക് ആശ്വാസമേകുന്നതിന് വിനിയോഗിക്കുകയായിരുന്നു. സ്വരൂപിച്ച 2570 രൂപ മുഖ്യമന്ത്രിയുടെ ദുരിതാശ്വാസ നിധിയില്‍ നിക്ഷേപിക്കുവാന്‍ വാര്‍ഡ് അംഗമായ ഡോ.പ്രദീപ് കൂടയ്ക്കലിന് തുക കൈമാറി. അടുത്ത പ്രവര്‍ത്തി ദിവസം തുക ട്രഷറിയില്‍ അടയ്ക്കും.
പരിപാടികള്‍ക്ക് അഖില്‍ വിനായക്, ദേവാനന്ദന്‍, ദേവദര്‍ശന്‍ കൃഷ്ണസയന്‍, അതുല്‍ കൃഷ്ണന്‍, ശിവപ്രസാദ്, നിഖില്‍ കൃഷ്ണ, കിച്ചു, അമര്‍നാഥ് എന്നിവര്‍ നേതൃത്വം നല്‍കി.