കരിക്ക് വെബ് സീരിസിലെ കഥാപാത്രത്തിന്റെ ഫോട്ടോ കേരളത്തില്‍ മുസ്‌ലിമിന്റെ കല്ല്യാണത്തില്‍ പങ്കെടുത്തതിന്റെ ക്രൂരമായി മര്‍ദിക്കപ്പെട്ട ആര്‍.എസ്.എസ് കാര്യവാഹക് എന്ന പേരില്‍ സോഷ്യല്‍ മീഡിയയില്‍ വ്യാപകമായി പ്രചരിപ്പിക്കുന്നു. നിരവധി സംഘപരിവാര്‍ ഐഡികളാണ് കരിക്ക് വെബ് സീരിസില്‍ ഈയിടെ പുറത്ത് വന്ന മാമന്‍ എന്ന കഥാപാത്രത്തിന്റെ കൈക്കും തലക്കും പരിക്ക് പറ്റിയ ഫോട്ടോയെടുത്താണ് മര്‍ദിക്കപ്പെട്ട ആര്‍.എസ്.എസ് കാര്യവാഹക് എന്ന് ഉത്തരേന്ത്യയില്‍ വ്യാപകമായി പ്രചരിപ്പിക്കുന്നത്. 
ജസ്റ്റിസ് ഫോര്‍ ചന്ദ്രബോസ് എന്ന ഹാഷ്ട്ടാഗോടെയാണ് വെബ് സീരിസില്‍ നിന്നുള്ള ചിത്രങ്ങള്‍ ഷെയര്‍ ചെയ്യപ്പെടുന്നത്‌.ഈയിടെയാണ് കരിക്ക് വെബ്‌സീരിസിന്റെ ഈ പുതിയ എപ്പിസോഡ് പുറത്ത് വന്നത്.