തൃശൂര്‍: പച്ചക്കുട ചൂടി ഭഗവതിയും സ്വര്‍ണ്ണ അലുക്ക്കളോടു കൂടിയ പിങ്ക് കുടകള്‍ ചൂടി കൂട്ടാനകളും തട്ടകത്തിന് നന്മകള്‍ വര്‍ഷിച്ച് ഭഗവതി പുറത്തക്കേഴുന്നള്ളിയപ്പോള്‍ പാണി നടപ്പാണ്ടിയിലിയേ്ക്ക് വഴിമാറി.
ഷൊര്‍ണൂര്‍ റോഡിലൂടെ നിറപറകളുമായി കാത്തുനിന്ന ഭക്തരിലേയ്ക്ക് അനുഗ്രഹം വര്‍ഷിച്ച് നായ്ക്കനാലിലൂടെ പഴയനടക്കാവിലേക്കിറങ്ങി നടുവില്‍ മഠത്തിലേക്ക് തിരിച്ചു. തിരുവമ്പാടിദേവസ്വത്തിന് മുന്നില്‍ 51 പറ നിറച്ചു. നടുവിലാല്‍ ഖാദി കേന്ദ്രത്തിനു മുന്നില്‍ മുന്‍ മന്ത്രി സി.എന്‍ ബാലകൃഷ്ണന്റെ നേതൃത്വത്തില്‍ പറനിറച്ചു. വന്നവര്‍ക്കെല്ലാം പഴങ്ങളും അവിലും മുന്തിരിയും ഉപ്പേരിയും നല്‍കി. ഭഗവതി 9.30 മണിയോടെ നടുവില്‍ മഠത്തിലെത്തി ഇറക്കിപൂജ നടത്തി.