പാലക്കാട് : മലമ്പുഴ മത്സ്യം വളര്‍ത്തു കേന്ദ്രത്തിലെ താല്‍ക്കാലിക തൊഴിലാളിക്ക് സൂര്യാതാപമേറ്റു.മലമ്പുഴ കരടിയോട് വിജയലക്ഷ്മി ഭവനത്തില്‍ ആനന്ദി (27)നാണ് ഇന്നലെ ഉച്ചക്ക് 12 മണിയോടെ സൂര്യതാപമേറ്റത.് ജോലിക്കിടയില്‍ പുറത്തു വലതു ഭാഗത്തായി പൊള്ളലേറ്റതിന്റെ പാടുണ്ട.് രണ്ട് മണിയോടെ ഈ ഭാഗത്തു് കനത്ത വേദന അനുഭവപ്പെട്ടതിനെ തുടര്‍ന്ന് സഹപ്രവര്‍ത്തകരോട് ശരീരത്തിലെ വേദനയുള്ള ഭാഗത്തു നോക്കിയപ്പോഴാണ് പൊള്ളലേറ്റതിന്റെ പാട് കണ്ടത്. ഉടന്‍ ജില്ലാ ആശുപത്രിയില്‍ ചികിത്സതേടി. അപ്പോഴാണ് സൂര്യതാപമേറ്റതാണെന്ന് ഡോക്ടര്‍ അറിയിച്ചത .