ലണ്ടന്‍: ന്യൂസിലന്‍ഡ് നായകന്‍ കെയിന്‍ വില്യംസണെ നായകനാക്കി ഐ.സി.സി സ്വപ്ന ടീം പ്രഖ്യാപിച്ചു. ഇംഗ്ലീഷ് ടീമില്‍നിന്ന് 4 താരങ്ങള്‍ ടീമില്‍ ഇടം പിടിച്ചപ്പോള്‍ ന്യൂസിലന്‍ഡില്‍നിന്ന് വില്യംസണ്‍ അടക്കം ര@ണ്ടു താരങ്ങളും ടീമില്‍ ഉള്‍പ്പെട്ടു. സെമിയില്‍ പുറത്തായ ഇന്ത്യ, ആസ്‌ത്രേലിയ ടീമുകളില്‍നിന്ന് 2 താരങ്ങള്‍ വീതം ടീമില്‍ എത്തിയപ്പോള്‍ മികച്ച പ്രകടനവുമായ ലോകകപ്പിന്റെ സൂപ്പര്‍ താരമായി മാറിയ ബംഗ്ലാദേശിന്റെ ഷാക്കിബുല്‍ ഹസനും ടീമില്‍ ഇടം നേടി. ലോകകപ്പില്‍ ഏറ്റവും കൂടുതല്‍ റണ്‍ നേടിയ രോഹിത് ശര്‍മയും ടീമില്‍ ഇടം കണ്ടെ@ത്തി. മൂന്നാം നമ്പറില്‍ ലോകകപ്പിന്റെ താരമായ കെയിന്‍ വില്യംസണ്‍ വന്നപ്പോള്‍ ഇംഗ്ലണ്ട@ിനായി മികച്ച പ്രകടനം പുറത്തെടുത്ത ജോ റൂട്ട് നാലാം നമ്പറുകാരനായി. ഷാക്കിബിനു പുറമെ ലോകകപ്പ് ഫൈനലില്‍ ഇംഗ്ലീഷ് ഹീറോ ആയ ബെന്‍ സ്റ്റോക്‌സ് ഓള്‍ റൗണ്ട@ര്‍ ആയി ടീമില്‍ എത്തി. ആസ്‌ത്രേലിയന്‍ താരം അലക്‌സ് കാരിയാണ് വിക്കറ്റ് കീപ്പറുടെ റോളില്‍ ടീമിലെത്തിയിട്ടുള്ളത്.
ഇന്ത്യയുടെ മൂന്ന് വിക്കറ്റ് കീപ്പര്‍മാരും ടീമിലില്ല. ഈ ലോകകപ്പില്‍ ഇന്ത്യ മൂന്ന് വിക്കറ്റ് കീപ്പര്‍മാരെയാണ് കളിപ്പിച്ചിരുന്നത്. സ്പിന്‍ ബൗളര്‍മാര്‍ ആരും ടീമിലെത്തിയിട്ടില്ല. ഗ്ലെന്‍ മഗ്രാത്തിന്റെ റെക്കോര്‍ഡ് തകര്‍ത്ത ഓസീസിന്റെ മിച്ചല്‍ സ്റ്റാര്‍ക്ക് ടീമില്‍ സ്ഥാനം പിടിച്ചപ്പോള്‍ ന്യൂസിലന്‍ഡ് മുന്നേറ്റത്തില്‍ നിര്‍ണായക പങ്ക് വഹിച്ച ലോക്കി ഫെര്‍ഗൂസനും ടീമില്‍ ഇടം പിടിച്ചു. ഇന്ത്യന്‍ ബൗളര്‍ ജസ്പ്രീത് ബുംറയും ഇംഗ്ലീഷ് ബൗളര്‍ ജൊഫ്ര ആര്‍ച്ചറും ടീമിലിടം കണ്ടെത്തിയിട്ടുണ്ട്.