ഓമശ്ശേരി: നാട്ടിന്‍പുറങ്ങളില്‍ പരിമിതമായ സാഹചര്യങ്ങളില്‍ പുതുജീവന്‍ തേടുന്ന അങ്കണവാടികളും സ്മാര്‍ട്ടാകുന്നു. സംസ്ഥാനത്തെ പൊതുമേഖലയിലെ വിദ്യാഭ്യാസ സ്ഥാപനങ്ങളുടെ നിലവാരമുയര്‍ത്താനുള്ള സര്‍ക്കാരിന്റെ തീരുമാനത്തിന്റെ ചുവടുപിടിച്ചാണ് അങ്കണവാടികള്‍ സ്മാര്‍ട്ടാകുന്നത്.
കൊടുവള്ളി ബ്ലോക്ക് പഞ്ചായത്ത് 2016- 17 വാര്‍ഷിക പദ്ധതിയുടെ ഭാഗമായി നടപ്പിലാക്കുന്ന സ്മാര്‍ട്ട് അങ്കണവാടിയുടെ ഉദ്ഘാടനം ഓമശ്ശേരി കളരിക്കണ്ടി അങ്കണവാടിയില്‍ കൊടുവള്ളി ബ്ലോക്ക് പഞ്ചായത്ത് വൈസ് പ്രസിഡന്റ് അഹമ്മദ്കുട്ടി ഹാജി നിര്‍വഹിച്ചു. പഞ്ചായത്ത് സ്റ്റാന്‍ഡിങ് കമ്മിറ്റി ചെയര്‍മാന്‍ പി.വി അബ്ദുറഹ്മാന്‍ മാസ്റ്റര്‍ അധ്യക്ഷനായി. വാര്‍ഡ് അംഗം അജിതകുമാരി, അങ്കണവാടി കണ്‍വീനര്‍ ഒ.കെ നാരായണന്‍, പി. നാസര്‍, അങ്കണവായിടി ടീച്ചര്‍ അനിത സംസാരിച്ചു.