രാമനാട്ടുകര: ബി.ജെ.പി പ്രവര്‍ത്തകന്റെ കാര്‍ തീവച്ച് നശിപ്പിച്ചു. പുതുക്കോട് കാടേപാടം ചെറുനാട്ടില്‍ ചന്ദ്രചൂഢന്റെ കാറാണ് തീവച്ച് നശിപ്പിച്ചത്. വീടിനു സമീപത്തെ റോഡില്‍ നിര്‍ത്തിയിട്ടതായിരുന്നു കാര്‍. ഞായറാഴ്ച രാത്രി 11.50 ഓടെയാണ് തീ പടര്‍ന്നത് ശ്രദ്ധയില്‍പ്പെട്ടത്. തുടര്‍ന്ന് വാഴക്കാട് പൊലിസിലും ഫയര്‍ഫോഴ്‌സിലും വിവരം അറിയിക്കുകയായിരുന്നു. ഫയര്‍ഫോഴ്‌സ് സംഘം എത്തുമ്പോഴേക്കും കാര്‍ പൂര്‍ണമായും തീ പടര്‍ന്നിരുന്നു. കാറിന്റെ ഗ്ലാസുകള്‍ തകര്‍ക്കപ്പെട്ടിട്ടുണ്ട്. ടാറ്റാ ഇന്‍ഡിക്കാ കാറാണ് കത്തിനശിച്ചത്. കൊണ്ടോട്ടി സി.ഐ, വാഴക്കാട് എസ്.ഐ എന്നിവര്‍ സ്ഥലത്തെത്തി. ഫോറന്‍സിക് വിദഗ്ധരും സ്ഥലത്തെത്തി പരിശോധന നടത്തി.