കൊച്ചി: മുഖ്യമന്ത്രിയുടെ നേതൃത്വത്തില്‍ നടന്ന സര്‍വകക്ഷിയോഗത്തില്‍ തങ്ങള്‍ക്ക് അനുകൂലമായി തീരുമാനങ്ങളെടുത്തതിനെ തുടര്‍ന്ന് ഫ്‌ളാറ്റുടമകള്‍ നടത്തിവന്ന റിലേ സമരം അവസാനിപ്പിച്ചു.
വിഷയത്തില്‍ സുപ്രിംകോടതിയെ സമീപിക്കുമെന്ന തീരുമാനത്തെ സമരസമിതി സ്വാഗതം ചെയ്തു. ഫ്‌ളാറ്റ് പൊളിക്കാതിരിക്കാന്‍ കഴിയാവുന്ന നടപടികള്‍ സ്വീകരിക്കുമെന്നത് ആശാവഹമാണെന്ന് സമിതി ചെയര്‍മാന്‍ അഡ്വ.ഷംസുദ്ദീനും ഫ്‌ളാറ്റുടമ ജയകുമാറും പറഞ്ഞു. അതേസമയം, സര്‍വകക്ഷി തീരുമാനത്തിന് വിപരീതമായ നടപടികളുണ്ടായാല്‍ സമരം വീണ്ടും ആരംഭിക്കുമെന്നും അവര്‍ വ്യക്തമാക്കി.