ഉടുമ്പന്നൂര്‍:  ക്ഷീരവികസന വകുപ്പ് വിജ്ഞാന വ്യാപന പദ്ധതി പ്രകാരം പാല്‍  ഉപഭോക്താക്കള്‍ക്കായി ഉപഭോക്തൃ മുഖാമുഖം പരിപാടി സംഘടിപ്പിച്ചു.  തട്ടക്കുഴ ഗവണ്‍മെന്റ് വൊക്കേഷനല്‍ ഹയര്‍ സെക്കന്‍ഡറി സ്‌കൂളില്‍ നടന്ന പരിപാടി ഉടുമ്പന്നൂര്‍ ഗ്രാമ പഞ്ചായത്ത് പ്രസിഡന്റ് ബിന്ദു സജീവ് ഉദ്ഘാടനം ചെയ്തു.  പഞ്ചായത്ത് മെമ്പര്‍ ജോണി മാത്യു അധ്യക്ഷനായി. ജില്ലാ ക്ഷീര വികസന വകുപ്പ്  ഡെപ്യൂട്ടി ഡയറക്ടര്‍  എസ് ശ്രീകുമാര്‍, പി.ടി.എ പ്രസിഡന്റ് പി.കെ ശശി  എന്നിവര്‍ സംസാരിച്ചു.
  ജില്ലാ ഗുണനിയന്ത്രണ ഓഫിസര്‍ പി.പി  ബിന്ദുമോന്‍, അസിസ്റ്റന്റ് ഡയറക്ടര്‍ ജീജാ സി കൃഷ്ണന്‍ എന്നിവര്‍ ക്ലാസ്  എടുത്തു. സ്‌കൂള്‍ ലൈബ്രറിയിലേക്ക് പഠന വിഷയവുമായി ബനധപ്പെട്ട് ക്ഷീരവികസന വകുപ്പ് നല്‍കിയ പുസ്തകങ്ങള്‍ പ്രിന്‍സിപ്പല്‍ ബിനിമോള്‍ ഏറ്റുവാങ്ങി. ഇളംദേശം ക്ഷീര വികസന ഓഫിസര്‍ എം.പി സുധീഷ് സ്വാഗതവും എന്‍എസ്.എസ് ജില്ലാ കോ-ഓഡിനേറ്റര്‍ വി.ആര്‍ രതീഷ് നന്ദിയും പറഞ്ഞു.