ബമാകോ: ഉത്തര മാലിയിലെ സൈനിക ഔട്ട്‌പോസ്റ്റില്‍ നടന്ന ചാവേര്‍ ബോംബ് സ്‌ഫോടനത്തില്‍ 53 സൈനികര്‍ കൊല്ലപ്പെട്ടു. പട്ടാളക്കാരനല്ലാത്ത ഒരാളും കൊല്ലപ്പെട്ടതായി വാര്‍ത്താവിനിമയമന്ത്രി യയാ സന്‍ഗേര്‍ അറിയിച്ചു. 10പേര്‍ക്ക് പരുക്കേറ്റു.
നൈഗര്‍ അതിര്‍ത്തിയോടു ചേര്‍ന്ന മെനാകയിലെ ഔട്ട്‌പോസ്റ്റില്‍ മൂന്നു ചാവേര്‍ സ്‌ഫോടനങ്ങളാണുണ്ടായതെന്ന് സുരക്ഷാ വിഭാഗം അറിയിച്ചു. ആക്രമണത്തെ മാലി സര്‍ക്കാര്‍ അപലപിച്ചു. ആരും ഉത്തരവാദിത്തമേറ്റെടുത്തിട്ടില്ല. ഒരു മാസം മുന്‍പും ബുര്‍കിനഫാസോ അതിര്‍ത്തിയില്‍ നടന്ന ആക്രമണത്തില്‍ 40 സൈനികര്‍ കൊല്ലപ്പെട്ടിരുന്നു. ഉത്തര മാലി 2012ലെ ലഹളയ്ക്കു ശേഷം അല്‍ഖാഇദയുടെ നിയന്ത്രണത്തിലാണ്.