കൊച്ചി: സംസ്ഥാന സി.ബി.എസ്.ഇ കലോത്സവത്തില്‍ 1780 പോയിന്റ് നേടി തൃശൂര്‍ സഹോദയ ചാംപ്യന്മാരായി. 1570 പോയിന്റുമായി മലബാര്‍ സഹോദയ രണ്ടാമതും 1350 പോയിന്റോടെ സെന്‍ട്രല്‍ കേരള സഹോദയ മൂന്നാമതുമെത്തി.

493 പോയിന്റുമായി കോഴിക്കോട് സില്‍വര്‍ഹില്‍സ് പബ്ലിക് സ്‌കൂള്‍ ഓവറാള്‍ ചാംപ്യന്‍മാരായി. 411 പോയിന്റുമായി തൃശൂര്‍ ദേവമാതാ സി.എം.ഐ പബ്ലിക് സ്‌കൂള്‍ രണ്ടാംസ്ഥാനവും 373 പോയിന്റുമായി കോഴിക്കോട് ദേവഗിരി സി.എം.ഐ പബ്ലിക് സ്‌കൂള്‍ മൂന്നാം സ്ഥാനത്തുമെത്തി.

കാറ്റഗറി ഒന്നില്‍ 116 പോയിന്റ് നേടി തൃശൂര്‍ സഹോദയ ഒന്നാംസ്ഥാനത്തെത്തിയപ്പോള്‍ 109 പോയിന്റുമായി കണ്ണൂര്‍ സഹോദയയാണ് രണ്ടാംസ്ഥാനത്ത്. കാറ്റഗറി രണ്ടില്‍ 247 പോയിന്റ് നേടി തൃശൂര്‍ സഹോദയ ഒന്നാം സ്ഥാനത്തും 243 പോയിന്റുമായി കണ്ണൂര്‍ സഹോദയ രണ്ടാമതുമെത്തി. കാറ്റഗറി മൂന്നില്‍ 624 പോയിന്റ് നേടി തൃശൂര്‍ സഹോദയ ഒന്നാമതെത്തി. 586 പോയിന്റുമായി മലബാര്‍ സഹോദയയാണ് രണ്ടാമത്. കാറ്റഗറി നാലില്‍ 667 പോയിന്റുമായി തൃശൂര്‍ സഹോദയ ഒന്നാമതും 498 പോയിന്റുമായി മലബാര്‍ സഹോദയ രണ്ടാമതുമെത്തി. കേരളത്തിലെ 1400 സി.ബി.എസ്.ഇ സ്‌കൂളുകളില്‍ നിന്നായി എണ്ണായിരത്തോളം മത്സരാര്‍ഥികളാണ് കലോത്സവത്തില്‍ പങ്കെടുത്തത്.