തിരുവനന്തപുരം: കേരളാ സ്റ്റേറ്റ് വഖഫ് ബോര്‍ഡിലേക്ക് നടന്ന മുതവല്ലി വിഭാഗം തെരഞ്ഞെടുപ്പില്‍ ആകെ പോള്‍ ചെയ്ത 4077 വോട്ടില്‍ 1485 വോട്ട് നേടി സമസ്ത പ്രതിനിധികളായ എം.സി.മായിന്‍ ഹാജിയും 1461 വോട്ട് നേടി അഡ്വ.പി.വി.സൈനുദ്ദീനും മികച്ച വിജയം നേടി.
കാന്തപുരം എ.പി.വിഭാഗത്തിന്റെ നോമിനിയായി മല്‍സരിച്ച പ്രൊഫസര്‍ അബ്ദുല്‍ റഹീമിന് 1018 വോട്ട് മാത്രമേ നേടാന്‍ സാധിച്ചുള്ളൂ. വെള്ളിയാഴ്ച രാവിലെ 10 മണിക്ക് ആരംഭിച്ച വോട്ടെണ്ണല്‍ ശനിയാഴ്ച രാവിലെ 6.30 ആണ് അവസാനിച്ചത്. വഖ്ഫ് ബോര്‍ഡ് തെരഞ്ഞെടുപ്പില്‍ എം.എല്‍.എ വിഭാഗത്തില്‍ ഉബൈദുല്ല, പി.ടി.എ റഹിം എന്നിവര്‍ നറുക്കെടുപ്പിലൂടെ തെരഞ്ഞെടുക്കപ്പെട്ടു.