കോതമംഗലം: മൊബൈല്‍ ഫോണിന്റെയും ഇന്റര്‍നെറ്റിന്റെയും യുഗത്തിലുടെ സഞ്ചരിക്കുന്ന വിദ്യാര്‍ഥി സമൂഹത്തെ നേരിന്റെ പാതയിലൂടെ വളര്‍ത്തിയെടുക്കാന്‍ സമസ്ത നേതൃത്വം നല്‍കുന്ന വിദ്യഭ്യാസ സ്ഥാപനങ്ങള്‍ മാതൃകയാകുമെന്നും വഫിയ പോലുള്ള സ്ഥാപനങ്ങള്‍ അതിന് ഉപയോഗപ്പെടുത്തുമെന്നും കോഴിക്കോട് വലിയ ഖാസി സയ്യിദ് നാസിര്‍ അബ്ദുള്‍ ഹയ്യ് ശിഹാബ് തങ്ങള്‍ പറഞ്ഞു.
ഈട്ടിപ്പാറ ആസ്ഥാനമായി പ്രവര്‍ത്തിക്കുന്ന ശംസുല്‍ ഉലമാ ഇസ്‌ലാമിക് സെന്ററിന്റെ നേതൃത്വത്തില്‍ ആരംഭിക്കുന്ന വഫിയ കോളേജിന്റെയും അല്‍ബിര്‍റ് പ്രീ ഇസ്‌ലാമിക് സ്‌കൂളിന്റെയും ശിലാഫലകം അനാഛാദനം ചെയ്തു സംസാരിക്കുകയായിരുന്നു അദ്ദേഹം.
ചടങ്ങില്‍ ഇബ്രാഹിം കവല അധ്യക്ഷനായിരുന്നു. സമസ്ത കേന്ദ്ര മുശാവറ അംഗം ചെറുവാളൂര്‍ ഹൈദര്‍ ഉസ്താദ് പ്രാര്‍ഥനക്ക് നേതൃത്വം നല്‍കി.
അഹമ്മദ് കബീര്‍ ബാഖവി കഞ്ഞാര്‍ മുഖ്യ പ്രഭാഷണം നടത്തി. ഗ്രാമ പഞ്ചായത്ത് പ്രസിഡന്റ് പി.കെ മൊയ്തു, ബ്ലോക്ക് പഞ്ചായത്തംഗം ഒ.ഇ അബ്ബാസ്, എ.പി മുഹമ്മദ്, ഇക്ബാല്‍ കല്ലുംപുറം, റിട്ടയേര്‍ഡ് ഐ.ജി മുഹമ്മദ്, വി.പി അബൂബക്കര്‍, കെ.എം മൈതീന്‍, പി.എം അലി, കെ.എം സിദ്ധീഖ്, അഡ്വ. കെ.കെ സിദ്ധീഖ്, ജമാല്‍ കുമ്പശ്ശേരി, കെ.എം അബുബക്കര്‍, കെ.എം മുഹമ്മദ് , വി.ഇ. അലി, കെ.എച്ച് മക്കാര്‍ എന്നിവര്‍ പ്രസംഗിച്ചു.