പഴയങ്ങാടി: തിരുവോണ ദിവസം വയലപ്ര പാര്‍ക്കിലുണ്ടായ സാമൂഹ്യവിരുദ്ധരുടെ അക്രമണത്തില്‍ പ്രതികളെ പിടികൂടാനാകാതെ പൊലിസ്. പാര്‍ക്കിലെത്തിയവരുടെ വാഹനങ്ങള്‍ അടിച്ചു തകര്‍ക്കുകയും മൂന്ന് വിദ്യാര്‍ഥികള്‍ക്ക് ഗുരുതരമായി പരുക്കേല്‍ക്കുകയും ഇവരുടെ മൊബൈല്‍ ഫോണും പണവും അപഹരിക്കുകയും ചെയ്തിരുന്നു. പാര്‍ക്കിലെത്തിയ പൊലിസ് ഉദ്യോഗസ്ഥര്‍ സംഭവം മൊബൈലില്‍ ചിത്രീകരിക്കുകയും കണ്ടാലറിയാവുന്ന പത്തോളം പേര്‍ക്കെതിരേ കേസെടുക്കുകയും ചെയ്തിരുന്നു. എന്നാല്‍ ചില രാഷ്ടീയ ഇടപെടല്‍ കാരണം പ്രതികളെ പിടികൂടാനാകാതെ പരുങ്ങലിലാണ് പൊലിസ്.