മലപ്പുറം:  മാധ്യമം ദിനപത്രത്തിന് നല്‍കിയ അഭിമുഖം മറ്റൊരു ചാനല്‍ വളച്ചൊടിച്ചെന്ന് മുസ്‌ലിം ലീഗ്  നേതാവ് പി.കെ കുഞ്ഞാലിക്കുട്ടി. തന്റെ ഫേസ് ബുക്ക് പോസ്റ്റിലാണ് അദ്ദേഹം ഇക്കാര്യം വ്യക്തമാക്കിയത്. 

പോസ്റ്റിന്റെ പൂര്‍ണരൂപം
ഇന്ന് മാധ്യമം ദിനപത്രത്തിന് നല്‍കിയ അഭിമുഖം 24 News തെറ്റായ രീതിയില്‍ വളച്ചൊടിച്ച്  ആശയക്കുഴപ്പം ഉണ്ടാക്കുന്ന രീതിയില്‍ വാര്‍ത്ത നല്‍കിയിരിക്കുകയാണ്. ഇതാദ്യമല്ല ഇവരുടെ ഭാഗത്ത് നിന്നും ഈ രീതിയിലുള്ള  പ്രവര്‍ത്തി ഉണ്ടാകുന്നത്.
കൂറ് മാറുന്ന പാര്‍ട്ടിയല്ല മുസ്‌ലിം ലീഗ് എന്നത് തന്നെയാണ് ആ അഭിമുഖത്തിന്റെ തലക്കെട്ട് തന്നെ. അഭിമുഖം ഒന്നിരുത്തി വായിച്ചാല്‍ എന്താണ് പറഞ്ഞതെന്ന് വ്യക്തമാകും. ഉദ്ദേശ ശുദ്ധിക്ക് വിരുദ്ധമായി വാര്‍ത്ത സൃഷ്ടിക്കുന്നത് നല്ല മാധ്യമ പ്രവര്‍ത്തനത്തിന് ചേര്‍ന്നതല്ല.- അദ്ദേഹം ഫേസ്ബുക്കില്‍ കുറിച്ചു.