കല്‍പ്പറ്റ: ജില്ലയില്‍ ഏഴ് പൊലിസ് സ്‌റ്റേഷനുകളിലെ എസ്.ഐമാര്‍ക്ക് സ്ഥലം മാറ്റം. ബത്തേരി, വെള്ളമുണ്ട, മേപ്പാടി, മീനങ്ങാടി, തലപ്പുഴ, കേണിച്ചിറ, അമ്പലവയല്‍ സ്‌റ്റേഷനുകളിലെ എസ്.എച്ച്.ഒമാരെയാണ് മറ്റ് സറ്റേഷനുകളിലേക്ക് സ്ഥലംമാറ്റി നിയമിച്ച് ഉത്തരവിറങ്ങിയത്.
മേപ്പാടി, മീനങ്ങാടി, ബത്തേരി, തലപ്പുഴ, വെള്ളമുണ്ട പൊലിസ് സ്‌റ്റേഷനുകളില്‍ നിലവില്‍ പ്രൊബോഷന്‍ പൂര്‍ത്തിയാക്കിയ പുതിയ എസ്.ഐ മാര്‍ക്ക് നിയമനം നല്‍കുകയും ചെയ്തിട്ടുണ്ട്.
സുല്‍ത്താന്‍ ബത്തേരി പൊലിസ് സ്‌റ്റേഷനിലെ എസ്.ഐ ആയിരുന്ന ബിജു ആന്റണിയെ തിരുനെല്ലി എസ്.ഐ ആയും, വെള്ളമുണ്ടയിലെ കെ അജിത്തിനെ പനമരം അഡി.എസ്.ഐ ആയും സ്ഥലംമാറ്റി. മേപ്പാടി എസ്.ഐ രാമചന്ദ്രനെ മാനന്തവാടി എസ്.എം.എസ് യൂണിറ്റിലേക്കും, മീനങ്ങാടി എസ്.ഐ എം അബ്ബാസ്അലിയെ അമ്പലവയല്‍ സ്‌റ്റേഷനിലേക്കും മാറ്റിയിട്ടുണ്ട്. തലപ്പുഴ എസ്.ഐ എം മനു കേണിച്ചിറ എസ്.ഐ ആകും.
കേണിച്ചിറയിലെ എസ്.ഐ അനില്‍ ബത്തേരി സ്‌റ്റേഷനിലെ അഡിഷണല്‍ എസ്.ഐ ആയി ചാര്‍ജെടുക്കും. അമ്പലവയല്‍ സ്‌റ്റേഷനിലെ എസ്.ഐ സുധനനെ മാനന്തവാടി അഡി.എസ്.ഐ ആക്കി നിയമിച്ചിട്ടുണ്ട്. പ്രബോഷന്‍ പൂര്‍ത്തിയാക്കിയ പി ജിതേഷ് മേപ്പാടി എസ്.ഐ ആയും, എസ് ശ്രീകുമാര്‍ മീനങ്ങാടി എസ്.ഐ ആയും, എന്‍ അനീഷ് കുമാര്‍ ബത്തേരി എസ്.ഐ ആയും, സി.ആര്‍ അനില്‍കുമാര്‍ തലപ്പുഴ എസ്.ഐ ആയും, ശ്രീലാല്‍ ചന്ദ്രശേഖരന്‍ വെള്ളമുണ്ട എസ്.ഐ ആയും നിയമിതരായിട്ടുണ്ട്.