ഇരിക്കൂര്‍: സി.പി.എം സംഘ് പരിവാര്‍ കൂട്ടുകെട്ടിനെതിരേ ജനശക്തി എന്ന പ്രമേയവുമായി ഇരിക്കൂര്‍ പഞ്ചായത്ത് മുസ്‌ലിം ലീഗ് കമ്മിറ്റിയുടെ നേതൃത്വത്തില്‍ നടത്തുന്ന യാത്ര ഇന്ന് ഫാറൂഖ് നഗറില്‍ നിന്നാരംഭിക്കും. യാത്രയുടെ പ്രചാരണാര്‍ഥം ഇന്നലെ ഇരിക്കൂര്‍ പഞ്ചായത്ത് യൂത്ത് ലീഗിന്റെ നേതൃത്വത്തില്‍ നടത്തിയ ബൈക്ക് റാലി നാടിന് പുതിയ ആവേശമായി. ഫാറൂഖ് നഗറില്‍ പഞ്ചായത്ത് ലീഗ് ജനറല്‍ സെക്രട്ടറി പി.കെ ശംസുദ്ദീന്‍ ജാഥാ ക്യാപ്റ്റന്‍ കെ.മന്‍സൂറിന് പതാക കൈമാറി ഉദ്ഘാടനം നിര്‍വഹിച്ചു. റാലി പഞ്ചായത്തിലെ വിവിധ ഭാഗങ്ങളിലെ പ്രയാണങ്ങള്‍ക്ക് ശേഷം മണ്ണൂര്‍ പാലം സൈറ്റില്‍ സമാപിച്ചു.