ഇന്ത്യയുടെ അഭിമാനമായ കഥക് നര്‍ത്തകി സിത്താര ദേവിയുടെ 97ാമത് ജന്മദിനം ആഘോഷിച്ച് ഗൂഗിള്‍ ഡൂഡില്‍. നൃത്തം ചെയ്യുന്ന സിതാരയുടെ രൂപമാണ് ഡൂഡിലിലുള്ളത്.

'നൃത്ത സാമ്രാജിനി' എന്ന് ടാഗോര്‍ വിശേഷിപ്പിച്ച ഇവര്‍ സ്വദേശത്തും വിദേശത്തുമായി നിരവധി കഥക് അവതരണങ്ങള്‍ നടത്തിയിട്ടുണ്ട്.

1920 നവംബര്‍ 8 ന് കൊല്‍ക്കത്തയില്‍ ആണ് സിത്താര ജനിച്ചത്. കഥക് നൃത്തത്തിനു നല്‍കിയ സംഭാവനകള്‍ക്ക് പത്മശ്രീ പുരസ്‌കാരം ലഭിച്ചു. 2002 ല്‍ കേന്ദ്രസര്‍ക്കാര്‍ പത്മഭൂഷണ്‍ പുരസ്‌കാരത്തിനായി തിരഞ്ഞെടുത്തുവെങ്കിലും, സിത്താര ദേവി അതു നിരസിക്കുകയായിരുന്നു. 2014 നവംബര്‍ 25 ന് സിത്താര ദേവി തന്റെ 94 ആമത്തെ വയസ്സില്‍ അന്തരിച്ചു.